【窮遊歐洲必睇】歐洲火車、廉航懶人包

【窮遊歐洲必睇】歐洲火車、廉航懶人包

火車篇 喺歐洲大部分嘅火車都係國營嘅,所以都無咩懸念。但當然都有例外,而私營嘅火車好多時候都會平啲,例如係奧地利嘅Westbahn,由Vienna去Salzburg就平過國營嘅OBB一大截。 小貼士1:留意有好多火車公司都會要求你上網買完飛、去到站嘅時候拎番張實體飛,買飛嘅時候記得留意啦!去到站入面多數有自動機可以拎番網上買嘅飛,但唔肯定的話都可以去櫃位或tourist centre問。 小貼士2:如果喺啲貴嘅國家玩得耐(無錯,話緊你呀瑞士!),建議你真係買番張幾日pass。雖然一開始要比嘅錢係貴到嚇人,但好多pass都會包埋市內交通,有啲仲會包埋纜車船飛,所以計番條數其實會抵玩過分開買(除非你決定行幾日路)。留意有時仲會包埋同其他邊境接壤嘅列車,例如Swiss pass可以去到同德國接壤嘅Konstanz,同法國接壤嘅Chamonix,同埋小國列支敦士登等等,所以記得留意下個pass嘅覆盡地圖,慳番啲旅費啦! 廉航篇 歐洲內陸景點多到數唔到,亦因此成為一眾廉航公司嘅兵家必爭之地。龍頭大佬當然有Ryanair同埋EasyJet啦,雖然搭得廉航都唔會特別追求質素,但咁多間廉航嚟講,如果價錢相約到底應該點揀呢?以下就同大家精選幾間廉航公司,同埋分享搭呢幾間廉航嘅心得。 Ryanair Ryanair相信大家都唔陌生,話曬佢都係歐洲最多人搭嘅廉航,亦都經常會有唔同嘅快閃優惠。隨左平之外,Ryanair咁多人揀嘅原因係佢航點夠多。隨咗最基本嘅西歐大城市之外,近年好受香港人歡迎嘅摩洛哥,甚至冷門啲嘅愛沙尼亞、塞浦路斯等等都係佢地嘅航點。Ryanair出左名捉超重行李捉得嚴,而由今個11月開始,佢地嘅免費隨身行李只會減淨一個small bag (40x20x25cm),如果有個大backpack嘅記住要留意啦!再要小心一樣野就係,Ryanair要求非持有歐盟護照嘅乘客自己print定機票去櫃台check in,記得要預鬆啲時間啦。 小貼士:喺Ryanair個網好多時候英鎊同歐元都係一兌一,所以揀番歐元就抵好多啦。 EasyJet 除左Ryanair之外,最為人熟悉嘅相信都係EasyJet,佢地航點係歐洲第二多。雖然航線唔夠多,但EasyJet比起Ryanair優勝嘅地方就在於佢好多規矩都比較flexible。例如Ryanair要求非持有歐盟護照嘅乘客去櫃台check in,搭EasyJet只係需要download佢地嘅app,有張e-ticket就可以去boarding啦。EasyJet嘅baggage policy都唔算太嚴,一般黎講,只要你可以將個袋打直擺喺行李架就okay㗎啦。 Wizz Air 呢間可能大家就未必有咁熟啦,但其實Wizz係東歐廉航嘅龍頭大佬,航點超過40個國家,如果想玩東歐,Wizz仲隨時平過上面個兩間添,因為Wizz係間匈牙利公司黎架。Wizz嘅航點真係冷門到你估佢唔到,由布達佩斯可以飛到去中亞嘅格魯吉亞同埋哈薩克等等冷門destination,所以都好值得留意。 大部分policy上都比較flexible,無咩大問題。 Norwegian Air Norwegian Air絕對唔係最平嘅廉航,但可能係最好服務嘅廉航。而佢同其他廉航最大分別,除左係佢大部分歐洲內陸機都有免費wifi之外,就在於佢有飛美國,所以就最啱喺歐洲讀書想去美國玩嘅你地啦!雖然無免費寄艙行李,但係機票多數都平過啲傳統航空公司,所以都抵玩㗎。如果有興趣玩挪威嘅fjords,搭Norwegian去比較北嘅小鎮都唔算太貴。 Wow Air 冰島呢幾年成為唔少香港人心入面嘅必去景點,如果你plan緊去冰島自駕遊的話,都可以留意下Wow Air。佢地本部喺冰島首都雷克雅未克,接駁大部分歐洲同埋美國東岸主要城市,到今個十二月佢地仲會開埋印度線,雖然未有定價,但又多個機會可以平飛冰島啦! 講左咁多間公司,其實搭廉航要注意嘅野都離唔開呢幾樣野: 行李 每間廉航嘅免費手提行李規定未必一樣,例如Ryanair就只可以拎一個細袋(放到喺前面座位下面),Easyjet可以帶一件冇重量限制、擺到上行李架嘅袋等等。而如果想買寄艙行李,就要諗清楚喺買機票嘅時候買埋啦,因為去到機場先買多數都係貴到唔合理的。 Ryanair EasyJet Wizz Air Norwegian Wow Air 免費手提行李數量 1 1 1 2 1 免費手提行李大小 40x20x25 cm 56x45x25 cm 40x30x20 cm 55x40x23 cm + 25x33x20 cm 42x32x25 cm 免費手提行李重量限制 / / 10kg 兩件合共10kg 10kg 機場 唔同香港得一個機場,歐洲大部分城市都有幾個機場,所以就算叫做喺同一個城市入面,機場位置都可以爭好遠,例如淨係倫敦就有成六個機場。 有啲廉航飛嘅機場距離市中心好遠,例如Ryanair飛嘅巴黎博韋機場就距離巴黎市中心成80公里,要搭差唔多兩個鐘車先會到。所以如果行程好緊密嘅就記得要留意啦。 Check-in/boarding pass 大部分廉航為左減低成本都prefer你做online check-in,而且都可以比你用download左喺app/email比你嘅boarding pass,咁就可以直接過安檢,唔駛自己print,又唔駛去櫃位,慳番好多時間。唯一例外係Ryanair,如果你唔係拎歐洲passport,就唔可以用佢地嘅電子boarding pass,要記得去櫃台print check-in啦! Kel C 簡介: 鍾意窮遊,覺得去旅行唔應該係有錢人嘅專利。鍾意去旅行同locals傾計,所以享受couchsurfing同hitchhiking。唔鍾意plan行程,因為嫌麻煩。希望最好嘅旅程永遠係下一次旅程。 窮遊緊係要格價啦!即上YBEX睇下邊度唱歐元最平! 相關內容:歐洲交通貼士《上》、布拉格唱錢攻略

【2018/11月最新版】韓幣應該怎麼換?用美金或台幣最划算?

【2018/11月最新版】韓幣應該怎麼換?用美金或台幣最划算?

根據台灣交通部觀光局資料顯示,2017年台灣出境到南韓的人次高達88萬,同比增長10%,位列台灣人最愛旅遊地的第四名! 遊韓人次持續上升,目前台灣有兩家銀行提供韓元兌換(KRW),但在台灣換還是在韓國換方便?用美金還是台幣換比較划算?怎樣快速比較南韓首爾換錢所的每日匯率呢?讓YBEX馬上來介紹換錢的小資訊吧!

前iBanker創找換店滙率比較平台 鎖定價位門市兌換

經濟日報 – 前iBanker創找換店滙率比較平台 鎖定價位門市兌換

港人愛外遊,但兌換外幣往往難知道滙率是否「最抵」。有曾在投資銀行工作的80後男,創立找換店滙率電子比較平台,方便用家格價。35歲的李振寧(Andrew)曾在美資投行擔任外滙交易員,2016年11月夥舊同事、38歲的李恢恢成立找換店比較平台「YBEX」;平台於翌年正式投入服務,目前有手機應用程式(App)或網頁版。驅使Andrew創業的原因,源於不愉快的兌換外幣經驗。

【YBEX新增香港機場找換店】臨上機邊度唱錢最抵?!

【YBEX新增香港機場找換店】臨上機邊度唱錢最抵?!

臨放假去旅行前大把公司嘢要清,有時真係覺得只係喺放假前OT做定幾日嘅工作量!講真,仲邊有時間特登出找換店唱錢呢?! Last minute唱錢又唔想捱機場「貴價」? YBEX最近就新增咗一間合作找換店【龍保Dragon Green】,喺機場富豪酒店 (Regal Airport Hotel) 入面。由香港國際機場L5層 (接機大堂) 經天橋向富豪機場酒店,只需要3分鐘路程,就可以搵到媲美市區嘅靚價!

曼谷最惱人是交通

【遊泰必睇】曼谷最惱人是交通

一家大小出遊,很多人喜歡到泰國曼谷,機程短、酒店豪、美食多、消費低,短短幾天輕鬆叉電,可謂老少咸宜。不過,全家總動員去曼谷的最大煩惱是交通,雖然坐的士不算貴,但相信不少人都有「谷氣」經驗,打開車門已要跟司機就「跟錶」或「一口價」周旋,如果司機肯乖乖「跟錶」,幾乎能肯定他會繞路,或「扮唔識路」擅自帶你到另一個「旅遊景點」;至於「一口價」等如「水魚價」,不想被騙就要花精神討價還價。