拆解越南唱錢三大迷思/一定用美金?

【2018越南唱錢教學】拆解三大迷思 話你知邊度唱越南盾最抵

早前喺四大港女遊胡志明市的理由提及喺越南「洗錢」嘅難處,即刻收到唔少朋友同User分享自己經歷!小編於是總結咗喺越南「唱錢」同「洗錢」嘅三大迷思,日後大家去越南玩就更得心應手!

  1. 喺越南唱錢 一定要俾美金?

唔單止香港人,南韓、日本同新加坡唔少旅遊網站都經常探討係咪需要「唱定美金」去越南用。的確,越南有部分商店願意接受美金付款,不過需要留意,店鋪通常只會以越南盾 (Dong, VDN) 找續,而且兌換率係鋪頭「說了算」,佢找幾多俾你就要收幾多。

坊間亦有唔少說法,話越南當地找換店只接受美金,所以唔少朋友亦會先喺香港將港幣唱美金、再到越南以美金兌換成越南盾,但就俾人食「兩重匯價」。不過YBEX就發現,陸續有唔少越南找換店接受港幣、日圓、韓幣及新加坡元等外幣。下次出發前只要用YBEX瀏覽越南各大城市嘅服務,就知佢哋接受邊隻外幣,以及唔同貨幣兌越南盾可以唱到幾多錢!

拆解越南唱錢三大迷思/一定用美金?
YBEX提供多間越南找換店及銀行的匯率及營業資訊

  1. 香港唱 定越南唱更划算?

喺香港,有越南盾兌換嘅找換店少之有少;亦因為供應有限,「食水」通常頗深。

不過唔少人仍然會選擇喺香港先行兌換,主要因為喺越南人生路不熟,而且言語不通,加上當地找換店亦唔似香港找換店咁,將各個貨幣嘅匯率以「牌價」方式顯示。

小編猶記得6月時喺胡志明市唱錢,雖然已經有當地同事推介可靠嘅找換店,但過程仍然心驚。當時向找換店職員出示港幣2000元後,店員同後方似係老闆的男人交談幾句後,用計數機向小編展示一個銀碼,呢個銀碼正正係將2000港元兌換成越南盾嘅總金額。

 

拆解越南唱錢三大迷思/一定用美金?
找換店職員是一個小妹妹

小編當時見到咁多個零都嚇一嚇,當場慶幸自己有預先上網睇定近日銀聯ATM提款的匯率。於是自己用電話將金額除以2000(兌換的港幣金額),得出比銀聯匯率更好嘅價錢,就知同事無介紹錯!但總括來講,喺越南唱錢前必須做足功課,預先上網搜尋港幣兌越南盾的匯率。


收據由新加坡朋友提供,都幾難睇得明

  1. 面值大,點計數?


目前1蚊港幣大約兌到2900至3000越南盾,所以好多時買嘢都會俾咁大嘅幣值嚇親。胡志明市唔少商戶都會自動減去最後三個零,即以「VDN240」或「240d」去標示商品,其實都係指24萬越南盾。小編慣常做法係直接忽略最後三個零再「除3」,計出約數80蚊。另一個做法,就係用YBEX app嘅計數機功能,直接輸入幾多外幣,仲可以即時手動計埋折扣、信用卡收費等項目,咁喺外地消費就一目了然啦!

拆解越南唱錢三大迷思/一定用美金?
小編最鍾意用計數機功能,碌卡都可以即刻計埋手續費圍起港幣幾多錢

相關內容:仲淨係識食牛肉河?!胡志明市不可不知的地道美食咖啡、越南粉、法國菜

Leave a Reply

This site uses Akismet to reduce spam. Learn how your comment data is processed.