歐洲交通app巴士

【畢業旅行必睇】歐洲交通貼士《上》

唔少人都會揀歐洲做grad trip目的地,趁後生玩到盡,但由一個城市去下一個城市嘅時候,選擇多到眼都花埋。搭火車定搭巴士抵?定係飛會無咁煩?用咩app格價最全面?雖然唔算係專家,但話哂都窮遊過歐洲幾次,以下就會同大家分享下歐洲intercity交通心得。

歐洲交通貼士:App篇

1. GoEuro (https://www.goeuro.com/)

講所有野之前必須講左呢個app先,係我自己最鍾意嘅歐洲交通格價app/網站。同Skyscanner運作原理差唔多,佢包括咗大部分內陸長途火車、巴士同埋飛機options,以下介紹嘅大部分巴士、火車同飛機公司都會喺GoEuro搵到。

euro_transport_歐洲交通貼士

GoEuro最方便嘅地方,係可以一眼睇哂搭咩交通工具最快同最平。揀咗交通工具之後又有唔同嘅filter,如果行程好緊湊的話,個departure time/arrival time filter就好有用啦!揀齊搭咩之後可以即刻喺佢地個網book埋,唔駛direct去交通公司嘅網,個價唔會成日跳黎跳去。

2. Traline.eu

如果你已經疊埋心水想坐火車嘅,除左GoEuro不妨留意埋Trainline。喺Trainline都會睇到有巴士,但佢地嘅優勢係佢地同好多國營火車公司都有正式合作關係,所以火車嘅資訊會比較齊全。大部分火車都可以喺Trainline book埋,但巴士例如係Flixbus就會direct番你去官網買。

買跨國火車飛大力推薦喺呢度買!因為去火車公司官網買的話拎飛較麻煩好多火車公司都會要求你去站入面嘅機print番張實體飛出黎。Traline無GoEuro咁好嘅地方,在於佢嘅頁面冇咁清楚易睇,plan起行程上黎無咁方便;而相對上巴士嘅資訊亦都無咁多,所以睇哂兩個網就保證搵到最平嘅option啦!

3. Kayak (kayak.com)

無錯,Kayak好多人都識,而佢都只可以搵到機票。但佢好嘅地方在於可以show埋你search嗰日前後三日嘅票價,喺做緊trip planning嘅時候可以慳到最盡!

euro_transport_歐洲交通貼士

歐洲交通貼士:巴士篇

1. FlixBus

euro_transport_歐洲交通貼士
Source: FlixBus

講起歐洲內陸巴士一定要提行內龍頭大佬FlixBus啦!歐洲有成27個國家見到佢地留低嘅車軚印,基本上西歐嘅大城市搭FlixBus一定去到,覆蓋網絡好廣。特別喺德國,由大城市到小鎮都會見到FlixBus站。最重要係咩?夠平呀麻!

euro_transport_歐洲交通貼士
德國啲點多到密集恐懼

除左咁之外,就係佢地嘅職員普遍都好nice好有禮貌。有個朋友有次買錯左飛,要重新買過,但張卡碌唔到,啲職員竟然借自己啲卡幫佢試 😭

要留意嘅係FlixBus會有delay,不過其實好少長途巴士係會準時,所以盡量唔好安排其他嘅交通connection緊接其後。不過抵讚嘅係如果delay得比較耐,佢會send email通知你,有時仲會送免費嘅小食同飲品俾你做補償添!至於坐得舒唔舒服,就好睇車種啦,有搭過好舒服、legroom好闊,可以較到張櫈好落瞓覺嘅;但都搭過好普通,有啲逼嘅車,所以都係睇彩數,不過一般比較長途嘅車/night bus都幾舒服。

2. Megabus (英國)

主要係英國嘅intercity巴士,因為佢同FlixBus係partner,所以喺英國嘅時候見唔到FlixBus係正常嘅,唔駛驚!Megabus最主要嘅對手係national express,雖然大部分時間都係megabus平啲,但記得要再格格價(GoEuro係無megabus㗎!)因為喺英國景內嘅巴士都唔可以坐到幾耐,所以質素都無咩大問題。但delay問題都算嚴重,所以趕時間嘅都係搭火車穩陣呀。

如果你玩嘅景點比較冷門,可能就要睇番嗰個地方嘅巴士公司啦,例如波羅的海三國可以睇ecolines,東歐可以睇leo express。不過GoEuro都仲可以幫到你的,但就要有心理準備去到站入面嘅資訊未必有英文。

相關內容:平住東歐 – 民宿小分享【窮遊歐洲必睇】歐洲火車、廉航懶人包

即睇歐元匯價:https://bit.ly/2ON0acv

Kel C 簡介:
鍾意窮遊,覺得去旅行唔應該係有錢人嘅專利。鍾意去旅行同locals傾計,所以享受couchsurfing同hitchhiking。唔鍾意plan行程,因為嫌麻煩。希望最好嘅旅程永遠係下一次旅程。

Related Post

【東歐遊記 · 克拉科夫】令人傷感的旅遊景點... 離開感覺充斥罪惡的捷克布拉格,東歐之旅的最後一個國家是波蘭,雖然波蘭的首都是華沙 (Warsaw),但幾乎所有遊客都不會錯過第二大城市 —舊都「克拉科夫(Krakow)」,因為這裡有一個重要景點— 奧斯威辛集中營 (Auschwitz)。在我曾經到訪的所有景點中, 奧斯威辛集中營令我最為傷感,沒有之...
星島日報 -【YBEX冀進駐九海外地區】 (星島日報報道) 港人熱衷旅行,不時需要兌換外幣。外幣兌換格價平台YBPay為個人及商業客戶比較匯率及尋找合適兌換店,始創人兼行政總裁李振寧表示,現時合作的本地兌換店超過50間,正積極尋求與新界的兌換店合作,服務將可覆蓋至沙田、元朗、屯門等地。海外市場方面,公司YBEX有意在9個海外地區包括新加坡、...
【食盡首爾】與南韓遲來的緣份 YBEX 最近進軍南韓,都令我想起與南韓遲來的緣份。韓風多年前已襲港,近年更席捲全球,但我以往並非哈韓一族,曾聽過跟旅行團到首爾的朋友,大呻旅程期間無啖好食,只得難食中菜、泡菜和韓燒,即時覺得這個地方與我無緣。 直至幾年前,韓國網購開始進佔我的生活,繼而漸漸喜歡上韓國綜藝節目、電影,開始萌生去首爾...
【2018台幣兌換攻略】ATM提款、銀行定找換店唱最抵?... 香港與台北的航程只須一個半小時,加上每日平均有高達80班次往返兩地,即平均18分鐘一班機,行程彈性極大,台北因而成為不少港人周末「快閃遊」的主要陣地。 遊台前必備的,除了「入台證」外,要數「新台幣」(TWD)。出行方面,除了Uber接受信用卡,截的士、坐捷運或增值悠遊卡均只能以現金結帳;行夜市「掃...

One comment

Leave a Reply

This site uses Akismet to reduce spam. Learn how your comment data is processed.