六日五夜玩轉南北九州

【遊日攻略】六日五夜玩轉南北九州!

之前去親日本都係滑雪,行程一式一樣,重點係有同伴一早安排好所有行程,衣食住行都唔駛自己煩。幫人安排行程依個角色真係唔易做,風水輪流轉,上次去鹿兒島嘅我就感受至深。

難得同朋友夾到假期,於是齊齊搶機票,四月份一行五人去鹿兒島玩返六日五夜。以為去日本好容易,於是嘆慢板,酒店都係出發前三個星期先訂。喺搵酒店期間,先發覺鹿兒島(南九州)本身係唔足以玩五日!問咗好多人意見後,決定一落機就坐火車去福岡(北九州),尾後兩日先返鹿兒島。


南北九州 南北九州_ 櫻島
以為一切準備就緒,臨出發前兩日先醒起,仲未買由鹿兒島機場去福岡嘅火車飛!對於從來都唔駛點plan行程嘅我嚟講,緊係要搵人幫手啦。家姐,召喚!

家姐搵到兩大網上旅遊預訂平台都有得買九州JR飛,但天意弄人,原來要預早三至五個工作天買!之後得知HK Express機上都可以買JR飛,價錢亦唔差太遠,HKD1,247一張全九州五天Pass(周遊券)。係呀,千幾蚊一張Pass,成半張機票!不過只要你來回鹿兒島同福岡一次,已經抵過逐次買飛。 有呢張Pass就可以通行全九州三十幾個站,包括較出名嘅熊本、由布院。

南北九州  南北九州_train南北九州_train2

到真正上飛機,我已經好緊張,因為一定要買到張Pass。好彩座位前面嘅傳單有介紹買JR Pass,空姐空少們都好積極同大家兜售。好有責任心嘅我就擔當重任買晒團友嘅Pass(其實為咗儲miles)。Serve我嘅空姐係日本人,都幾靚女㗎。咁我就指一指全九州五天Pass,然後舉起五隻手指,但原來一張信用卡只可以買三張Pass, 好彩我有多張信用卡喺身!一分鐘都唔駛,五張Pass成功到手,每張仲送一枝水!搭過廉航都知機上嘅食物飲料都偏貴,值得加分。

抵達鹿兒島機場之後,要再轉巴士先去到JR火車站,好彩巴士站好就腳,一切順利。喺櫃位出示機上買Pass張收據,就換到去博多嘅火車飛。

南北九州 南北九州 南北九州

今次旅程嘅教訓,當然係要早啲plan行程啦!飛鹿兒島可以順帶玩晒成個南九州,去埋日南、宮崎等,確實有好多值得去嘅景點,不過路程較遠,而且火車班次比較疏,好似我哋其中一日行程想去指宿浸溫泉,提前一晚去櫃位換飛都已經無晒,唯有轉戰比較多火車班次嘅霧島(隼人)。大家要預先睇定火車班次及來回時間,提早換定飛就最好!

醬爆簡介:
運動愛好者,尤其鍾意滑雪、打籃球、Bodyweight Training,去旅行都要做運動。為咗旅行滑雪、飲飲食食不惜工本。去旅行有時會freeride團友,但內心其實好著緊。

相關內容:偶遇阿蘇神社

即睇日圓匯價

Related Post

【越南越愛】四個港女遊胡志明市的理由... 近年越南高速發展,加上香港來往越南各大城市的直航航班愈來愈多,身邊嘅朋友特別係女仔friend都組團「越南越愛」。今年中,小編終於趕上潮流快閃胡志明市,終於知點解大家都樂而忘返、去過返尋味。以下就由小編總結【四個港女遊胡志明市嘅原因】! 文青Cafe 越南滴漏咖啡出名係人都知,不過除住時代同口...
【2018台幣兌換攻略】ATM提款、銀行定找換店唱最抵?... 香港與台北的航程只須一個半小時,加上每日平均有高達80班次往返兩地,即平均18分鐘一班機,行程彈性極大,台北因而成為不少港人周末「快閃遊」的主要陣地。 遊台前必備的,除了「入台證」外,要數「新台幣」(TWD)。出行方面,除了Uber接受信用卡,截的士、坐捷運或增值悠遊卡均只能以現金結帳;行夜市「掃...
HK01 -【職場.iBank】千萬花紅成絕唱?   「我喺iBank返工。」 說到iBank,很多人都覺得這是一份充滿光環,收入又很豐厚的工作,入得iBank就等同你是「才俊」之列,然而有投行前交易員卻寧願放棄這個充滿榮耀的名銜,轉而自己創業。到底投行交易員的工作狀況是怎樣的呢?   「上午仍見到同事咬着麥當勞看...
【山系】台灣的熱情好客之道 台灣人熱情好客人情味濃,短短旅程也感受至深。露營期間友人問有否興趣去泛舟,起初以為是在湖上划小船,多聽幾句才知道是激流!團友們興奮莫名,怎料致電查詢店家卻說客滿,原以為就此泡湯,但友人告訴店家我們從香港來,機會可一不可再,店家竟然特地加開一條船,這種貼心在香港實在不易遇到。 懷著興奮的心情去泛舟,...

3 comments

Leave a Reply

This site uses Akismet to reduce spam. Learn how your comment data is processed.