明洞找換店vs銀聯匯率

【2018韓幣兌換攻略II】明洞找換店vs銀聯匯率ATM大比併

首爾作為南韓首府,唔單止具備歷史文化、亦係帶領亞洲潮流嘅重鎮;美食唔單止好多地道選擇,想蒲cafe、幫襯d hipster餐廳都大把得揀,緊係成為香港人熱門旅遊地點之一啦!上網隨便揀個日子一search,香港飛首爾嘅直航航班竟然多達每日23班!方便一班「視旅行為正職」嘅朋友weekend飛首爾。朋友亦都成日問,到底喺明洞找換店唱錢、定係去到用銀聯卡喺ATM提款、用銀聯匯率計抵啲呢?等YBEX幫你比較下【明洞找換店vs銀聯ATM】!

【鬥方便】

呢樣絕對係銀聯匯率完勝。因為仁川機場已經有「友利銀行」、「KEB韓亞銀行」、「新韓銀行」同「花旗銀行」幾款ATM(注意個別ATM非24小時營運),都接受銀聯卡提供,較方便第一次去韓國嘅朋友。除咗機場,首爾市內亦有大量接受銀聯卡提款嘅ATM,方便「去到邊、提到邊」。

至於識途老馬、或者身上有少量韓元嘅,可考慮出返明洞嘅找換店兌換。明洞有多達90間「換錢所」任君選擇,由機場搭機場快線出去大約1小時。

【鬥平】

銀聯卡提款咁方便,點解都推薦大家出明洞換錢?主要因為明洞找換店比較平,以6月13日為例,明洞相當出名嘅「大使館找換店」每10,000韓圜兌72.4港元;銀聯匯率為73.1港元,相距不足1%。同樣唱700,000韓元的話,銀聯ATM卡要5117港元,大使館找換店只需要5068蚊。不過唔好忘記,銀聯提款仲需要按每宗交易收取約15至20港元嘅手續費,夾夾埋埋銀聯卡就貴差唔多70蚊!

不過以上比較只係拎咗其中一間找換店做比較,而且匯率時有波動,唱錢前記得上YBEX check清楚當日兌換率先呀!

即睇明洞匯率

相關內容:韓幣兌換攻略 – 比較香港vs明洞找換店【2018】YBEX秋季日圓大特賣

Andrea簡介:
做過4年財經記者,最愛睇(炒)外匯,對匯率變化敏感;加上師奶性格,唱錢時格價會「格」到小數點後兩個零。

Related Post

【越南越愛】四個港女遊胡志明市的理由... 近年越南高速發展,加上香港來往越南各大城市的直航航班愈來愈多,身邊嘅朋友特別係女仔friend都組團「越南越愛」。今年中,小編終於趕上潮流快閃胡志明市,終於知點解大家都樂而忘返、去過返尋味。以下就由小編總結【四個港女遊胡志明市嘅原因】! 文青Cafe 越南滴漏咖啡出名係人都知,不過除住時代同口...
【窮遊歐洲必睇】歐洲火車、廉航懶人包... 火車篇 喺歐洲大部分嘅火車都係國營嘅,所以都無咩懸念。但當然都有例外,而私營嘅火車好多時候都會平啲,例如係奧地利嘅Westbahn,由Vienna去Salzburg就平過國營嘅OBB一大截。 小貼士1:留意有好多火車公司都會要求你上網買完飛、去到站嘅時候拎番張實體飛,買飛嘅時候記得留意啦!去到站入...
HK01 -【職場.iBank】千萬花紅成絕唱?   「我喺iBank返工。」 說到iBank,很多人都覺得這是一份充滿光環,收入又很豐厚的工作,入得iBank就等同你是「才俊」之列,然而有投行前交易員卻寧願放棄這個充滿榮耀的名銜,轉而自己創業。到底投行交易員的工作狀況是怎樣的呢?   「上午仍見到同事咬着麥當勞看...
中時電子報 – 金融科技高速成長 香港扮國際串接角色... 為配合全球即時支付熱潮,香港金融管理局(金管局)準備於今年9月推出「快速支付系統」,提供24小時即時支付功能,讓銀行和儲值支付工具營運商向商業和個人用戶提供全天候跨行即時支付和資金調撥服務。與此同時,金管局也會研究成立金融學院,透過匯集學術界、業界、專業培訓機構和監管機構的專長,促進金融知識轉移、人...

4 comments

Leave a Reply

This site uses Akismet to reduce spam. Learn how your comment data is processed.