精選找換店_selected_money_changer

【2018外遊唱錢必睇】比較香港9間精選找換店!

喺香港唱錢,各位識途老馬都自動波去出名嘅找換店。出名就自然人多啦,值唔值得為咗慳幾十蚊「排餐矇」,在此不贅。今日主要同大家拆解下、呢啲出名嘅找換店係咪真係日日都最抵、而且隻隻currency都咁抵呢?文末仲比較幾間具競爭力嘅精選找換店,等大家有得揀!

精選找換店_selected_money_changer

貨源

「開價」高與低,除咗視乎當日匯價,好大程度睇「供求」。

做找換都係「識人好過識字」嘅行業,識得貨量充足嘅「外幣供應商」,例如係一啲有海外業務、並會將外幣帶返香港嘅partner,就有機會用較平嘅價錢拎到外幣。成本低,轉售出去都可以賣平啲啦!所以點解有啲找換店整體開價好似唔算吸引,但特別有一、兩隻貨幣寧舍平過人!

貨源都可以「自己搵上門」:例如某啲外幣兌換公司喺全港有好幾間分店、而且「匯款 (Remittance)」生意發達,都意味住佢地較容易收到大量外幣。

地點

此外,找換店多唔多街客向佢哋「賣出」外幣,兌返做港紙,都左右到外幣供應!而呢樣就同地理位置有更密切關係。位處旺區、地鋪,容易有街客路經嘅,都增加找換店收到外幣嘅機會,貨量充足都可能驅使佢哋「賣平啲」而免「責貨」。

當然,個別地區因為找換店唔多,競爭較小;而且需求相對細,找換店索性唔提供某啲貨幣。好似小編走訪過嘅屯門同天水圍區,大部分找換店都沒有日圓現貨供應;若果附近地區有找換店肯賣日圓,變相做「獨市生意」,「食水」自然深啲。

最後就係經營成本,好似樓上鋪咁,一方面租金平啲,二來因為鋪頭無咁顯眼,都可能令佢哋開口「靚價」積極搶客;相反,地點「就腳」嘅找換店因為多街客同遊客經過,正宗「唔憂做」,賣貴啲都有人幫襯!咦?!咁咪同上面講因為唔想囤貨而平賣自相矛盾?呢個正正突顯到「供求」嘅力量:供應多時賣平啲,需求大時賣貴啲。

所以話,找換店開價有時都幾「海鮮價」,一日內轉N次價都時有發生。下次唱錢記得價格,搵定至啱你嘅找換店呀!文末介紹多幾間相對無咁多人識嘅找換店,係咪最抵唔敢講,但揀到間就腳、唔駛排隊又差唔多價錢嘅都值啦!

註:以下價格以5月21日、每百日圓匯價為準。

銀豐 – 荔枝角區精選找換店

最新加入YBEX平台的找換店。為處荔枝角利豐大廈後面,開價積極,係九龍區朋友的好選擇!是日開價每百日圓「7.09港元」,係YBEX上最抵。

地址:荔枝角青山道680號W668地下8號鋪 銀豐匯價參考:https://bit.ly/2IzxNPQ

Franki Exchange – 重慶大廈精選找換店

Franki位處勁多找換店嘅重慶大廈,老闆同員工係南亞裔人士,只能靠英文溝通。佢哋開價勁進取,連重慶場內數一數二的老大哥「堅成」都比佢哋差一格。以「每百日圓」為例,堅成網頁顯示開價「7.12」,唱錢平台YBEX則顯示Franki開「7.095」,即係同樣唱七萬yen,Franki平「17個半」。

地址:尖沙咀彌敦道36-44號重慶大廈地下8號舖 Franki匯價參考:https://bit.ly/2rakwCz

飛鳥找換店 – 油尖旺區精選找換店

飛鳥找換店喺今年先正式開業,位處油麻地一個商場入面,地點都幾就腳。因為日圓匯價同啲老行尊有得揮,所以冒起得好快。由兩個後生仔睇鋪,反應快,較易溝通。是日開價為「7.100」;而另一老字號「百年」開價「7.12」。

地址:油麻地彌敦道530,534-538號現時點1樓135號舖 飛鳥匯價參考:https://bit.ly/2IXF7nM

永恒找換公司 – 油尖旺區精選找換店

永恒可以講得上係九龍嘅「百年」,上到去公司都係由一班老行尊打骰。當日日圓賣出價同樣係「7.100」。值得一提,永恒網頁顯示連相當冷門嘅「汶萊幣」都有得買賣,可謂一大特點。

地址:尖沙咀漢口道17號新聲大廈5樓8室

通利外幣找換 – 中西區精選找換店

是日通利每百日圓賣「7.100」,相當有競爭力。而且勝在就腳,喺正環球大廈,而且唔駛大排長龍,中環返工的朋友可以多個選擇。

地址:中環德輔道中19號環球大廈1樓120號舖 通利匯價參考:https://bit.ly/2wX8uSd

小女孩找換 – 中西區精選找換店

小女孩相信好多人識,廢話唔多講。值得一提係店內多種貨幣都幾有競爭力。不過係樓上鋪,貨量較難預測,記得問清楚或提早預訂!是日日圓開價為「 7.100」。

地址:上環德輔道中東協商業大廈601室 小女孩匯價參考:https://bit.ly/2kd5J6c

金寶找換 – 連鎖精選找換店

是日金寶開價為「7.100」,尚算「貼市」。推介原因係地點夠正,喺旺角已經有兩間分店,葵涌、九龍灣同荃灣都有。提提大家,荃灣分店因為地點因素,匯價同其他分店會有出入,記得要check清楚!

地址:旺 角 砵 蘭 街 163 – 173 號 好 旺 角 購 物 中 心 G 32 號 地 舖 旺 角 彌 敦 道 660 號 地 舖 油 麻 地 吳 松 街 25 – 27 號 地 下 B 舖 九 龍 灣 偉 業 街 33 號 德 福 花 園 德 福 廣 場 P42 號 舖 葵 涌 葵 富 路 7-11 號 葵 涌 廣 場 購 物 中 心 地 下 A 68 舖 荃 灣 綠 楊 坊 G 30 舖 金寶匯價參考:https://bit.ly/2IuXroG

牛記找換 – 中西區精選找換店

牛記喺上環區已經屹立多年,已經傳到去第二代。所謂早起的鳥兒有蟲吃,牛記是日日圓賣「 7.108」唔算平,但因為比同區找換店開門時間早,已經早著先機啦!

地址:上環急庇利街1號長達大廈地下 牛記匯價參考:https://bit.ly/2kd2wU2

福安 – 沙田區精選找換店

最後介紹嘅福安位處沙田,是日開價唔算進取(「7.15」),不過勝在星期一至日都開門,係住北區朋友嘅一個好選擇。福安算得上係老字號,係沙田區內出名嘅「生生外幣找換」嘅姐妹店。

地址:沙田廣場3樓36號舖 福安匯價參考:https://bit.ly/2rV6Vzm

相關內容【2018】YBEX秋季日圓大特賣

多間找換店一click睇晒

Andrea簡介:
做過4年財經記者,最愛睇(炒)外匯,對匯率變化敏感;加上師奶個性,唔「格」盡邊度唱錢最抵唔罷休!

 

Related Post

【2018台幣兌換攻略】ATM提款、銀行定找換店唱最抵?... 香港與台北的航程只須一個半小時,加上每日平均有高達80班次往返兩地,即平均18分鐘一班機,行程彈性極大,台北因而成為不少港人周末「快閃遊」的主要陣地。 遊台前必備的,除了「入台證」外,要數「新台幣」(TWD)。出行方面,除了Uber接受信用卡,截的士、坐捷運或增值悠遊卡均只能以現金結帳;行夜市「掃...
【胡志明市三寶】咖啡、越南粉、法國菜... 大家有沒有旅遊Bucket list?我有!名單上的地方不斷增加,幸運地也有不少願望已達成。其中一個是到柬埔寨看吳哥窟,數年前已經如願,當年香港還未有直達暹粒的航班,必須從泰國或越南轉機,泰國經常會去,結果行程尾站揀選逗留從未踏足的越南胡志明市。 有朋友曾被公司派到胡志明市工作一段時間,說當...
【遊日攻略】六日五夜玩轉南北九州! 之前去親日本都係滑雪,行程一式一樣,重點係有同伴一早安排好所有行程,衣食住行都唔駛自己煩。幫人安排行程依個角色真係唔易做,風水輪流轉,上次去鹿兒島嘅我就感受至深。 難得同朋友夾到假期,於是齊齊搶機票,四月份一行五人去鹿兒島玩返六日五夜。以為去日本好容易,於是嘆慢板,酒店都係出發前三個星期先訂。喺搵...
【日圓快閃 】日圓折扣優惠! 100 Yen 只需 6.66 HKD!...   新用戶有福啦,立刻成為YBPay會員啦。 活動時間:12月28-30日早上11時至中午12時開始, 每天名額15個, 先到先得。 參與方法: 讚好此貼文及YBPay Facebook專頁 註冊成為YBPay用戶 用YBPay下訂 規則: 每人只限兌換優惠價一...

2 comments

Leave a Reply

This site uses Akismet to reduce spam. Learn how your comment data is processed.